Чымнаайыга  
алтынньы 9 күнүгэр "Айтал"  норуот айымньытын дьиэтигэр Хотой айыы ыйыгар анаан "Дабайыы"  сиэр-туом түмсүүтэ алгыс сиэрин туомун ыытта.
 "Кыстыкка киирии" - анал алгыһын көтөхтө алгысчыт - Арылы Хотун;
"Тус доруобуйаҕа болҕомто туһаайыытыгар"- кэпсэтиини ыытта алгысчыт, эмчит - Туллук Охоноон кыыһа. Хомус хомуһунун бэйэҕэ туһаныы" - хомуһунан бэйэни, бэйэ тулалыыр эйгэтин ыраастаныы, эмтэнии туһунан кэпсээтэ алгысчыт, массажист - Намылҕа;
Бу тэрээһиҥҥэ кыттыыны ылбыттар алгыс ылан, сылаас алаадьылаах, саламааттаах, оттортон оҥоһуллубут итии чээйдэри  иһэн, сиэр-туом тематыгар ыйытыыларга киэҥ ис хоһоонноох эппиэттэри истэн астынан тарҕастылар. Махтанабыт "ДАБАЙЫЫ" түмсүүгэ, олохтоох дьаһалтабытыгар, суоппар Р.И.Саввиҥҥа, кэлэн кыттыыны ылбыт биир дойдулаахтарбытыгар. Олохтоохтор көрдөһүүлэринэн аны саас айылҕа уһуктуута "Дабайыы" сиэр-туом түмсүүтүн ыҥырдылар.